Sepse ende vendet e para janë të pazëna nga ndonjë shkollë private shqiptare.
Nga ana ndërtimore, në gjimnazin “Faik Konica” çdo nxënës do të ketë në përdorim mesatarisht 10 m2 ndërtim (normë e BE), sallë çlodhjeje, bibliotekë, holle tepër të gjëra, dy palestra dhe klasa të mëdha. Edhe për nxënësit paraplegjikë funksionon një ashensor i veçantë.
Shkolla ka një sistem monitorimi me kamera audiovizive që garanton:siguri, cilësi në mësimdhënie dhe informacion të gjerë për prindërit në çdo moment dhe ndjekjen e mësimeve nga shtëpia përmes internetit, në rastet kur nxënësi mungon me arsye.
Nga pikëpamja psikologjike nxënësit do të jenë mjaft të motivuar duke punuar me një staf mësuesish jo vetëm të pregatitur në lëndën e tyre, por edhe mjaft dashamirës dhe mbështetës.

Nxënësit e “Faik Konicës” do të përzgjidhen dhe ky fakt krijon tek secili nxënës atë mjedis njerëzor që i përshtatet më mirë se kudo tjetër.
Gjimnazi “Faik Konica” dëshiron të marrë nxënës që i kanë vendosur vetes një qëllim për t’u arritur në jetë.
Fjala gjimnaz shpesh të kujton ftohtësinë e dijes shkencore që transmetohet brez pas brezi, por gjimnazi “Faik Konica” dëshiron të ecë drejt një rruge që nxënësve u jep mbështetje më të madhe edhe drejt botës së artit dhe të sportit, duke i bërë shpirtrat e tyre të ndjeshëm ndaj të bukurës dhe duke u dhënë trupave të tyre bukurinë fizike.

Copyright © 2012 Faik Konica Të gjitha të drejtat e rezervuara